Alfa Insurance





Բեռնափոխադրումների ապահովագրություն




Բեռների ապահովագրությունը հանդիսանում է ապահովագրության ամենահին և ամենատարածված տեսակներից մեկը: Բեռների ապահովագրության առաջին պայմանագրերը կնքվել են դեռևս 14-15-րդ դարերում, Իտալիայում: Դեռևս այն ժամանակ մարդիկ գիտակցել են բեռնափոխադրումների և դրանց անվնաս իրականացման կարևորությունը: Հետագայում առևտրի նոր շուկաների երևան գալուն զուգահեռ, ավելանում էր հնարավոր կորստի վտանգը, որի հետ կապված աճում էր գույքային շահերի պաշտպանության անհրաժեշտությունը: Ժամանակակից շուկայական տնտեսության պայմաններում անհնար է պատկերացնել առևտրային գործունեության որևէ տասակ, որը չուղեկցվի բեռնափոխադրումով, որն իր բնույթով գործունեության կրկնվող տեսակ է:

Վերոնշյալը հաշվի առնելով` "Ալֆա-Ինշուրանս" Ապահովագրական ընկերությունը առաջարկում է բոլոր ֆիզիկական և իրավաբանական անձանց կնքել ապահովագրական պայմանագիր (գլխավոր պայմանագիր) որոշակի ժամանակահատվածի համար, այլ ոչ թե կոնկրետ բեռնափոխադրման համար: Սա մեծ առավելություն է, քանի որ այս դեպքում անհրաժեշտություն չի առաջանում յուրաքանչյուր բեռնափոխադրման համար առանձին դիմել ապահովագրական ընկերություն և ստանալ ապահովագրական ծածկույթ: Գլխավոր պայմանագրի կնքումը ապահովադիրներին երկար ժամանակահատվածում պաշտպանում է պարբերաբար իրականացվող բեռնափոխադրումներից բխող ռիսկերից:

Ի՞նչ առանձնահատկություններ ունի ապահովագրության այս տեսակը
Ահա մի քանի պատճառ, որի համար բեռների ապահովագրությունը դառնում է անխուսափելի.
- բեռն անմիջականորեն չի գտնվում սեփականատիրոջ հսկողության տակ, և հենց այս հանգամանքն էլ բերում է ռիսկայնության բարձրացման
- ապահովագրված օբյեկտի գտնվելու աշխարհագրական տարածքն անսահմանափակ է
- բեռնափոխադրման խափանումը կարող է հանգեցնել առևտրային գործունեության դադարեցման
Ի՞նչ առանձնահատկություններ ունի ապահովագրության այս տեսակը Ապահովագրությունը իրականացվում է 3 ծածկույթով.

Ծածկույթ 1
Ապահովագրություն բոլոր ռիսկերից. ապահովագրված բեռին հասցված վնասի փոխհատուցում, ինչպես նաև բեռի փրկման համար կատարվող ծախսեր:

Ծածկույթ 2
Ապահովագրություն սահմանափակ ռիսկերից. ապահովադրի կողմից թվարկվում են այն բոլոր ռիսկերը, որոնց պատճառով ապահովագրված բեռին հնարավոր է հասցվի վնաս:

Ծածկույթ 3
Ապահովագրություն ամբողջական կորստից. կփոխհատուցվի միայն բեռի ամբողջական կորուստը:

Ապահովագրական ծածկույթում կարող են ընդգրկվել բեռի արժեքը, տեղափոխման արժեքը, վճարված մաքսատուրքը:

Ապահովագրական պայմանագրի կնքման կարգը
Բեռնափոխադրման պայմանագիր կնքելու համար ապահովադիրը պետք է ներկայացնի հետևյալ փաստաթղթերը.

Ֆիզիկական անձանց համար.
- պատշաճ լրացված հարցաթերթիկ
- հաշիվ-ապրանքագրի պատճե
- անձնագրի պատճե


Իրավաբանական անձանց համար.
- պատշաճ լրացված հարցաթերթիկ
- հաշիվ-ապրանքագրի պատճե
- պետ. ռեգիստրի վկայականի պատճե
- ռեկվիզիտներ (ՀՎՀՀ, իրավաբանական հասցե, բանկային տվյալներ)
- ապահովագրողի պահանջով այլ փաստաթղթեր


Վերջին փոփոխությունը Նոյեմբերի 6, 14:33

 Untitled Document




“Ալֆա Ինշուրանս” ԱՓԲԸ-ն պատասխանատվություն չի կրում կայքում տեղադրված հղումների համար դեպի այլ կայքեր, նրանց բովանդակության ստույգության, արժանահավատության, այնտեղ տեղադրված գովազդների, ինչպես նաև այդ կայքերում տեղադրված տեղեկատվության օգտագործման հնարավոր հետևանքների համար:





© Copyright 2009, Litesoft LTD